各位珍藏百搭券大派用場！昨日送畀大家百搭券，前日又送百搭券，可以5月18日同5月19日去零食物語買各種精選美食，每人每次交易限用一張百搭券，每張可當3蚊現金使用。
香港財金官員自認唔識計數，收多成百億盈餘，把口話或者會回番多少畀小市民，但係有姿勢冇實際，話唔埋講就算數。但係《東方日報》牙齒當金使，前兩日送兩張百搭券畀讀者，東仔叫大家用銀包袋好佢，後日、大後日就可當現金用。
講到公信力，問各位，信《東方日報》抑或信特區政府？全港市民都異口同聲信《東方日報》啦！市民信東方信幾十年，呢份金牌報紙做30年銷量冠軍，證明讀者眼光一流，《東方日報》扶弱鋤強，新聞快而準，完全值得大家信賴。睇特區政府，上場就快九年，政績全無，自己左手信唔過右手，好似嘉亨灣個鑊，一個梁展文膽粗粗行使酌情權，居然搞出三份矛盾報告，政府搵個法官做份「獨立調查」報告，搞到立法會中指黃醋勁大發，逼政府表態：「你究竟信佢定信我？」又累到審計署署長失晒威，日後點去審計其他人！特區政府全無章法，庸官冇威，言而無信，叫市民點信佢，梗係信《東方日報》呢個金漆招牌！
百搭券後日及大後日通用 特區政府個旅遊黃金周搞到唔湯唔水，內地遊客嘖有怨言，早已見諸報章。但係，《東方日報》回饋讀者黃金周，就搞到有聲有色，幾十萬人俱歡顏。
，有數得計。5月13日送讀者5蚊百佳現金券；5月14日送百搭券；5月15日又送百搭券；今日送ＯＫ便利店3蚊現金券；明日激送5蚊惠康現金券！到後天，即係5月18日又可以憑百搭券去零食物語買美食，5月19日百搭券繼續有效。東仔扳住手指數，各位買《東方日報》，日日收現金券，名副其實讀者黃金周！
老讀者回首前塵，當知東方信得過，新讀者試過黃金周，應知東方捧得過！
多謝舊雨新知齊捧場，《東方日報》香港報壇一哥地位，無人可動搖！
揭去E12版，中旅社提供優惠，去內蒙草原見識「天蒼蒼，野茫茫」風情，讀者每位慳300元。